У Падмаскоўі абломкі беспілотніка зваліліся каля дома Маргарыты Сіманьян
![На месцы падзення беспілотніка / t.me/vorobiev_live](/sites/default/files/styles/gallery_main/public/2023-08/dron1_21_08.jpg.webp?itok=jJpOeNMu)
На месцы падзення беспілотніка / t.me/vorobiev_live
Два чалавекі пацярпелі ў выніку падзення абломкаў беспілотніка ў Істрынскім раёне Падмаскоўя, заявіў губернатар Маскоўскай вобласці Андрэй Вараб'ёў. Раней у Мінабароны Расіі паведамілі, што ў вобласці зноў збівалі ўдарныя беспілотнікі.
Паводле Вараб'ёва, абломкі аднаго з беспілотнікаў зваліліся на дом у садовым таварыстве "Дарожнік". Аднаго з пацярпелых — мужчыну — забралі ў бальніцу. Жанчына ад шпіталізацыі адмовілася. Расійская прапагандыстка Маргарыта Сіманьян піша, што беспілотнік зваліўся побач з яе домам, "на суседняй з намі вуліцы".
У апошнія месяцы ў Маскве і ваколіцах перыядычна бачаць ударныя беспілотнікі. Расійскія ўлады сцвярджаюць, што збіваюць дроны. Але некаторыя з іх наносяць адчувальную шкоду — уразаюцца і ў жылыя дамы, і ў адміністрацыйныя будынкі.
Нагадаем, 24 лютага 2022 года Расія напала на Украіну, бамбіць гарады, забівае людзей. Адна з апошніх крывавых атак адбылася ў гэтыя выходныя. Расійская ракета трапіла ў драмтэатр у цэнтры Чарнігава: загінулі сем чалавек, 156 атрымалі раненні. Сярод ахвяр атакі — 6-гадовая дзяўчынка Сафія.
![В Подмосковье обломки беспилотника упали около дома Маргариты Симоньян](/sites/default/files/styles/default_image_paragraph/public/paragraphs/image/dron_21_08.jpg.webp?itok=zq3jI9Hq)
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.