У вайсковай часці пад Лепелем — крымінальная справа за нестатутныя адносіны
Ніхто не шпіталізаваны.
У вайсковай часці пад Лепелем пачалі крымінальную справу за нестатутныя ўзаемаадносіны, інфармуе БЕЛТА.
Як распавёў прэс-сакратар галоўнага ўпраўлення ідэалагічнай работы Мінабароны Уладзімір Макараў, некалькі дзён таму ў Заслонаўскім гарнізоне камандзір часці выявіў нестатутныя ўзаемаадносіны. Калі будзе вызначаная віна канкрэтных вайскоўцаў, іх прыцягнуць да адказнасці. У Мінабароны кажуць, што выяўленыя нестатутныя адносіны не прывялі да цяжкіх наступстваў, ніхто не шпіталізаваны.
Крымінальная справа пачатая паводле артыкула 443 Крымінальнага кодэксу Беларусі — "парушэнне статутных правілаў узаемаадносін паміж асобамі, на якіх распаўсюджваецца статус ваеннаслужачага, пры адсутнасці адносін падпарадкаванасці". Найбольшае пакаранне, якое пагражае па гэтым артыкуле, — да 12 гадоў пазбаўлення волі.
Фота: yk-news.kz