У Варшаве ўспомняць мінскую Плошчу 2010-га
19 снежня а 13-й гадзіне паводле польскага часу беларусы правядуць акцыю на Замкавай плошчы.
Прысвечана яна будзе гадавіне разгону 19 снежня 2010 года ў Мінску мірнай дэманстрацыі пратэсту супраць фальсіфікацыі прэзідэнцкіх выбараў. На акцыі актывісты збіраюцца выказаць сваю салідарнасць з палітычнымі вязнямі Беларусі.
Яе арганізатарамі выступілі Грамадзянская кампанія "Разам для Беларусі", Беларускі Дом у Варшаве і Бюро еўрадэпутата Марэка Мігальскага.
Падобная акцыя сёння праходзіць у Кіеве.
Фота — bymedia.net
