На еўрамайдане ў Кіеве пройдзе акцыя салідарнасці з Беларуссю
Яна распачнецца 19 снежня а 13-й (паводле ўкраінскага часу) на Майдане незалежнасці. Акцыя прымеркаваная да трэцяй гадавіны разгону Плошчы ў Мінску.
Падчас акцыі будзе разгорнуты вялікі беларускі сцяг, а са сцэны выступяць беларускія і ўкраінскія палітыкі. Пасля гэтага калона актывістаў рушыць да беларускай амбасады ў Кіеве, дзе адбудзецца веча. У саму амбасаду плануецца перадаць зварот з патрабаваннем вызваліць усіх беларускіх палітвязняў і правесці свабодныя выбары.
Арганізатарамі мерапрыемства выступілі Беларускі цэнтр ва Украіне і ўкраінскі камітэт вызвалення палітвязняў.
Фота — ByMedia.net
