У суд перадалі справу палітвязня-журналіста Дзяніса Івашына
Справу палітвязня-журналіста Дзяніса Івашына перадалі ў суд. Пра гэта ў сацсетках напісала яго жонка Вольга.
Івашын вядомы найперш расследаваннямі пра ўкраінскіх сілавікоў, якія пасля Майдана ў 2014 годзе збеглі ў Беларусь і ўладкаваліся ў міліцыю. Затрымалі журналіста 12 сакавіка 2021 года — ён знаходзіцца за кратамі больш за 450 дзён.
Спярша журналіст праходзіў падазраваным паводле арт. 365 КК (умяшанне ў дзейнасць супрацоўніка органаў унутраных спраў). Потым Івашыну выставілі абвінавачанне па артыкуле "Здрада дзяржаве" (ч. 1 арт. 356 КК).
