У сераду ў Мінску абмяркуюць палітычныя і ваенныя пытанні Данбасу
У тым ліку пра адвод узбраення калібрам менш за 100 мм і абмен ваеннапалоннымі.
У сераду, 26 жніўня, удзельнікі кантактнай групы па мірным урэгуляванні ў Украіне зноў збяруцца ў Мінску. Як перадае interfax.by, яны абмяркуюць пытанні палітычнага ўрэгулявання і пагадненне аб адводзе ўзбраенняў калібра менш за 100 мм у Данбасе.
Па словах паўнамоцнага прадстаўніка так званай "Луганскай народнай рэспублікі" Вячаслава Дэйнегі, на парадку дня — асаблівы статус Данбасу, канстытуцыйная рэформа і правядзенне мясцовых выбараў. Акрамя таго, будзе абмяркоўвацца і абмен ваеннапалоннымі.
Дэйнега ўдакладніў, што ў сераду ў Мінску збяруцца чатыры падгрупы і кантактная група.
Фота: interfax.by
