У Польшчы арыштавалі беларуса па запыце сілавікоў з РБ
![Затрыманне ў Беластоку](/sites/default/files/styles/gallery_main/public/2024-01/117-243842.jpg.webp?itok=RigtoCQA)
Затрыманне ў Беластоку / bialystok.policja.gov.pl
У Польшчы арыштавалі 20-гадовага беларуса па запыце сілавікоў з РБ. Як паведамляе беластоцкая паліцыя, ён быў аб'яўлены ў міжнародны вышук за крадзеж грошай з банкаўскага рахунку і гандаль наркотыкамі, псіхатропамі з выкарыстаннем фальшывых рэцэптаў.
Беларуса шукалі па чырвонай картцы Інтэрпала — запыт на арышт накіравалі з Мінска.
У міжнароднай судовай практыцы ўжо былі прэцэдэнты, калі беларусаў, затрыманых за мяжой па запыце РБ, у выніку не выдавалі. Вядомая гісторыя Уладзіслава Гірыса. Летась італьянскі суд прызнаў запыт, атрыманы ад сілавікоў Беларусі, палітычным пераследам і вызваліў беларуса.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.