Вы тут

У панядзелак — снег, дождж, месцамі моцны вецер

Ілюстратыўнае фота з адкрытых крыніцаў

У бліжэйшыя суткі, 14 студзеня, у Беларусі чакаецца пераважна хмарнае надвор’е. Часам будуць ападкі — снег, мокры снег і дождж. Месцамі будзе слабы галалёд, на дарогах — галалёдзіца.

Вецер будзе паўднёвы, парывісты, удзень па захадзе ў асобных раёнах — моцны парывісты да 15-18 метраў за секунду.

Тэмпература паветра ўначы складзе ад мінус 5 да плюс 1 градуса, удзень чакаецца ад мінус 3 да плюс 3, паведамляе БЕЛТА са спасылкай на Белгідрамет.