У нядзелю ў Беларусі чакаюцца замаразкі да мінус 2 градусаў

У нядзелю, 4 верасня, у Беларусі чакаюцца замаразкі да мінус 2 градусаў, але толькі ў Віцебскай вобласці. Пра гэта паведамляе Белгідрамет.

У краіне будзе пераменная воблачнасць і пераважна без ападкаў. У начныя і ранішнія гадзіны ў асобных раёнах слабы туман. Вецер пераменных напрамкаў слабы.

Тэмпература ноччу ў цэлым па краіне — ад +4 да +9. Днём будзе ад +16 да +22 градусаў.