У нядзелю будзе да +22
У бліжэйшыя суткі, 7 кастрычніка, у Беларусі чакаецца надвор’е з пераменнай хмарнасцю. Уначы будзе без ападкаў, а ўдзень кароткачасовыя дажджы прагназуюцца толькі ў асобных раёнах.
Вецер будзе паўднёвы, паўднёва-заходні, умеркаваны, удзень — парывісты.
Тэмпература паветра ўначы складзе 5-11 градусаў са знакам плюс, удзень будзе 15-20 градусаў цяпла, а на поўдні краіны — да +22, перадае БЕЛТА са спасылкай на Белгідрамет.
