У Мінску ў кватэрах пачалі адключаць ацяпленне
Гэта адбываецца пры сярэднясутачнай тэмпературы паветра плюс 8 градусаў, якая ўсталявалася на працягу трох дзён.
Тэлеканал "Беларусь 1" адзначае, што ў сталіцы ўжо ўстойлівы плюс, а на выхадных прагназуюць да 20 градусаў цяпла. Такім чынам, да панядзелка падача цяпла ў Мінску будзе спынена.
Адначасова з жылымі дамамі ацяпленне будзе адключацца ў гасцініцах, інтэрнатах, навучальных установах, дзіцячых садках, школах, бальніцах, іншых медыцынскіх і сацыяльных установах.
