У Мінску студэнт нападаў на абменны пункт, каб разлічыцца з даўгамі
У Мінску студэнт нападаў на абменны пункт, каб разлічыцца з даўгамі. Пра гэта інфармуе БЕЛТА са спасылкай на ГУУС Мінгарвыканкама. 21-гадовага хлопца міліцыянеры затрымалі пры падтрымцы байцоў "Алмазу". Цяпер малады чалавек дае паказанні. Крымінальную справу распачалі па артыкуле "разбой" (арт. 207 КК).
Як інфармавала Еўрарадыё, напад на абменнік адбыўся раніцай 22 студзеня на вуліцы Якуба Коласа. Хлопец пагражаў выбуховым прыстасаваннем і завалодаў буйной сумай грошай.
