У Мінску безбілетніца распыліла газ у твар кантралёру

У Мінску безбілетніца распыліла газ у твар кантралёру. Як інфармуе прэс-служба сталічнай міліцыі, здарэнне адбылося яшчэ 4 снежня. У адным з аўтобусаў кантралёры выявілі "зайца" і прапанавалі пасажырцы выйсці на прыпынку. 59-гадовая жанчына выйшла разам з імі, але вырашыла ўцячы ад іх. Яна дастала з сумкі пярцовы балончык і выкарыстала яго. З месца здарэння зламысніца ўцякла, але ўжо праз хвіліну яе затрымалі міліцыянеры.

Пацярпеламу кантралёру аказалі першую дапамогу на прыпынку і выклікалі "хуткую". Якое пакаранне чакае жанчыну, не паведамляецца.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.