У Мінску адміністратара дваровага чата адправілі "на суткі"
Аляксандр Захожы / Фота з сацсетак
Жыхара Мінска Аляксандра Захожага, якога ў праўладных тэлеграм-каналах прадставілі як адміністратара дваровага чата, асудзілі на 12 сутак. Па якім артыкуле КоАП яго асудзілі, праваабаронцы не ведаюць.
Пры гэтым яны адзначаюць, што дваровы чат "9-ы кіламетр" не значыцца ў спісе экстрэмісцкіх матэрыялаў або фарміраванняў. На гэты момант ён недаступны — праваабаронцы мяркуюць, што чат выдалены.
Аляксандру Захожаму 29 гадоў. Ён працуе ў "Мінскінжпраекце".
