У Мінпрацы скарацілі 51 чалавека
Дзевяць чалавек застаюцца без працы, але іх збіраюцца працаўладкаваць на працягу бліжэйшых месяцаў. Пра гэта паведаміла міністр працы і сацыяльнай абароны Марыяна Шчоткіна.
Паводле яе слоў, у беларускіх чыноўнікаў узрасце заробак. Адбудзецца гэта за кошт аптымізацыі колькасці супрацоўнікаў дзяржапарату, інфармуе БЕЛТА.
Нагадаем, паводле ўказу Аляксандра Лукашэнкі да 1 ліпеня колькасць дзяржслужбоўцаў у краіне павінна зменшыцца на 25%. У нашай краіне будзе скарочана больш за 13 тысяч чыноўнікаў.
