У Мінфіне распавялі, куды пойдзе дарожны збор у 2020 годзе
![У Мінфіне распавялі, куды пойдзе дарожны збор у 2020 годзе](/sites/default/files/styles/gallery_main/public/2023-08/zbor-0411.jpg.webp?itok=DDQVegGe)
У 2020 годзе сродкі дарожнага збору павінныя пайсці на рамонт дарог і выплату крэдытаў на другую МКАД. Гэта прадугледжана ў законапраекце аб рэспубліканскім бюджэце на 2020 год, перадае БЕЛТА.
У адпаведнасці з праектам закона, сродкі ад дарожнага збору накіроўваюцца на будаўніцтва, рэканструкцыю, капітальны і бягучы рамонт аўтадарог.
Таксама прадугледжваюцца, што яны пойдуць на пагашэнне асноўнага доўгу і выплату адсоткаў па крэдытах, выдадзеных на будаўніцтва другой кальцавой аўтамабільнай дарогі вакол Мінска.
Частка сродкаў будзе перададзеная ў кансалідаваныя бюджэты абласцей і бюджэт Мінска ў выглядзе субвенцый.
Плануецца, што рэспубліканскі дарожны фонд у 2020 годзе атрымае 616 мільёнаў рублёў. Амаль палову гэтай сумы складуць сродкі дарожнага збору.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.