Вы тут

У Маскве заявілі, што не збіраюцца ўводзіць візавы рэжым з Беларуссю

Фота: ria.ru

Кіраўнцтва Расіі не разглядае магчымасць увядзення візавага рэжыму з Беларуссю. Пра гэта 16 лютага заявіў прэс-сакратар Уладзіміра Пуціна Дзмітрый Пяскоў. Паводле яго слоў, "такая тэма не разглядаецца", інфармуе РІА "Новости".

Як паведамляла Еўрарадыё, у чацвер з'явіліся вынікі сацыялагічнага апытання, праведзенага Усерасійскім цэнтрам вывучэння грамадскай думкі. Было заяўлена, што 78% жыхароў Расіі падтрымалі ўвядзенне візавага рэжыму з Беларуссю. Толькі 16% апытаных расіян хацелі б захаваць мяжу з нашай краінай у выглядзе фармальнасці.