У Кішынёве беларусы скандавалі "Жыве Беларусь!"
![У Кішынёве беларусы скандавалі "Жыве Беларусь!"](/sites/default/files/styles/gallery_main/public/2023-08/2018-09-11t194626z_1602038559_rc13f6ecdd20_rtrmadp_3_soccer-uefa-nations-mda-blr.jpg.webp?itok=VkqpPLtL)
У другім туры футбольнай Лігі нацый беларуская зборная згуляла ў Кішынёве ўнічыю 0:0 з Малдовай. Наша каманда выступала ў наступным складзе: Чэрнік, Шытаў, Паліцевіч, Мартыновіч, Валадзько, Драгун, Маеўскі, Брэсан (Кендыш, 77), Няхайчык (Балановіч, 72), Стасевіч, Лапцеў (Сарока, 59).
Заўзятары зборнай Беларусі былі з бел-чырвона-белымі сцягамі і ў майках з "Пагоняй". Яны скандавалі "Жыве Беларусь!", што можна было пачуць у трансляцыі на тэлеканале "Беларусь 5".
На пасляматчавай прэс-канферэнцыі галоўны трэнер беларускай зборнай Ігар Крывушэнка прызнаў, што ў атацы яго каманда гуляла не зусім удала, "ніжэй свайго патэнцыялу". "Гэта не самы кепскі вынік — нічыя на выездзе", — сказаў Крывушэнка. І гэта сапраўды так, паколькі на апошніх хвілінах беларусы ледзь не прапусцілі гол.