У Грозаве і Семежаве знеслі крыжы, усталяваныя ў гонар слуцкіх паўстанцаў
Шыльда на крыжы ў Грозаве / Новы час
У Грозаве і Семежаве ў Капыльскім раёне Мінскай вобласці знеслі крыжы, усталяваныя ў гонар слуцкіх паўстанцаў 1920 года, піша novychas.online. Яны там стаялі з 1990-х гадоў. У Грозаве крыж знеслі каля месяца таму.
Слуцкія паўстанцы ў лістападзе-снежні 1920 года змагаліся за незалежную Беларускую Народную Рэспубліку супраць Чырвонай Арміі. Для цяперашніх уладаў РБ — яны "ворагі, нацыяналісты". Летась улады арганізавалі знішчэнне ў Заходняй Беларусі помнікаў і магілаў удзельнікаў польскай Арміі Краёвай.
