У Германіі памерла спартоўка з Беларусі. Ёй было 43 гады
![Алеся Граф ](/sites/default/files/styles/gallery_main/public/2024-03/graf_26_03.jpg.webp?itok=j5G1qj8J)
Алеся Граф / picture alliance / Pressefoto Baumann
У Германіі памерла спартоўка-баксёр Алеся Граф, ёй было 43 гады. Аб прычынах смерці інфармацыі няма, піша Bild.
Алеся Граф нарадзілася ў Гомелі, да замужжа насіла прозвішча Клімовіч. У 1999 эмігравала ў Германію, выйшла замуж і паспяхова займалася тут боксам. Мела тытулы чэмпіёнкі свету па версіі GBU і WIBF, а таксама мянушку "тыгрыца". Свой апошні бой у якасці прафесійнага баксёра Алеся Граф правяла ў студзені 2019 года. Тады яна саступіла датчанцы Дзіне Торслунд.
Калега Алесі па камандзе і былая чэмпіёнка свету Рэгіна Хальміх заявіла BILD, што да гэтага часу не можа паверыць у смерць спартсменкі. "Мы трэніраваліся разам амаль дзесяць гадоў. Алеся выносіла на рынг пояс чэмпіёнкі свету падчас маіх баёў, і мы трымаліся разам і падтрымлівалі адзін аднаго. Мы былі сяброўкамі", — зазначыла Рэгіна Хальміх.
У Германіі Алеся трэніравалася пры баксёрскім агенцтве Hamburg Universum. Былы мэнэджар Universum Пітэр Ханратс сказаў BILD, што Алеся была вельмі працавітай. Паводле яго слоў, "яна была вельмі амбіцыйнай і валявой. Нараўне з Рэгінай Халміх, адной з нашых лепшых жанчын у боксе".
![В Германии умерла спортсменка из Беларуси. Ей было 43 года](/sites/default/files/styles/default_image_paragraph/public/paragraphs/image/%D0%A1%D0%BD%D0%B8%D0%BC%D0%BE%D0%BA%20%D1%8D%D0%BA%D1%80%D0%B0%D0%BD%D0%B0%202024-03-26%20092357.png.webp?itok=b6OuqAzs)
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.