У Еўрапарламенце абмяркуюць магчымасць дапамагчы незалежным СМІ ў Беларусі
Акцыя ў падтрымку затрыманых журналістаў
У Еўрапарламенце 12 ліпеня пройдзе абмеркаванне сітуацыі з незалежнымі СМІ ў Беларусі. Будзе разгледжана магчымасць аказаць з боку ЕС і міжнароднай супольнасці аператыўную і доўгатэрміновую падтрымку беларускім недзяржаўным медыя і журналістам-расследавальнікам.
За апошнія два дні ў Беларусі прайшлі ператрусы ў рэдакцыях і ў журналістаў больш як дзясятка недзяржаўных медыя. Па ўсёй краіне было затрымана не менш за 15 прадстаўнікоў медыясферы і грамадскіх актывістаў. Пасля ператрусаў некаторыя журналісты з'ехалі з Беларусі.
