У Беларусі плануюць адмовіцца ад папяровых рэцэптаў на лекі
![У Беларусі будуць толькі электронныя рэцэпты на лекі / sb.by, ілюстрацыйнае фота](/sites/default/files/styles/gallery_main/public/2023-08/recept-2403.jpg.webp?itok=r_kiBTDi)
У Беларусі будуць толькі электронныя рэцэпты на лекі / sb.by, ілюстрацыйнае фота
У бліжэйшыя гады ў Беларусі плануюць адмовіцца ад папяровых рэцэптаў на лекі і перайсці на электронныя. Пра гэта паведаміў дырэктар РНПЦ медтэхналогій Дзмітрый Рузанаў падчас форуму ў Санкт-Пецярбургу, пішуць "Мінск-Навіны".
Ён назваў электронны рэцэпт адным з найбольш паспяховых праектаў у краіне.
Рузанаў падкрэсліў, што ў Беларусі рэалізуецца і мноства іншых праектаў, звязаных з выкарыстаннем мабільных прыстасаванняў. Яны дазваляюць дактарам пастаянна сачыць за станам пацыента.
Па словах дырэктара РНПЦ, важна, каб пацыент атрымліваў інфармацыю з праграмы ў тэлефоне ў сваю амбулаторную карту. А доктар заахвочваў бы яго да выкарыстання мабільных прыстасаванняў.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.