У Беларусі пачалі адключаць ацяпленне (відэа)
Такое рашэнне мясцовыя ўлады прымуць, калі тэмпература вонкавага паветра ад плюс 8 градусаў пратрымаецца на працягу трох дзён.
Пра гэта паведаміў намеснік галоўнага інжынера "Белэнерга" Валерый Паршнёў. Паводле яго слоў, у сераду прынялі рашэнне адключыць ацяпленне ў Касцюковічах Магілёўскай вобласці.
Рашэнні аб адключэнні ацяплення прымаюць мясцовыя выканкамы, адзначае БЕЛТА.
Нагадаем, сёлета ацяпленне будынкаў сацыяльнай сферы ў Беларусі з-за пахаладання пачалося незвычайна рана — першыя рашэнні былі прынятыя 29 верасня. Праз тыдзень цяпло пачало з'яўляцца ў жылых дамах.
