У Беларусі хочуць зрабіць "бязвіз" для грамадзян суседніх краін
Пункт пропуску на беларускай мяжы / Юрый Іваноў
Беларусь можа адмяніць візы для грамадзян суседніх краін. Пытанне цяпер разглядаецца, паведамляе Дзяржаўны памежны камітэт Беларусі. На гэты крок у Мінску хочуць пайсці "ў інтарэсах умацавання добрасуседскіх адносін і развіцця ўязнога турызму". Гаворка пра тое, каб даць грамадзянам краін ЕС, якія мяжуюць з Беларуссю, "права бязвізавага ўезду, выезду і знаходжання ў Беларусі".
Акрамя таго, у памежным камітэце цяпер прапрацоўваюць механізм, які дазволіць грамадзянам з суседніх краін наведваць памежную зону без пропуску.
Нагадаем, на мінулым тыдні Мінск унёс суседнія Польшчу, Літву і Латвію ў спіс недружалюбных краін. Усяго ў спіс трапіла каля 40 дзяржаў, у тым ліку ўсе краіны ЕС. Дакумент апублікаваны на Нацыянальным прававым інтэрнэт-партале.
