У Беларусі два новыя міністры
Лукашэнка прызначыў кіраўнікоў міністэрстваў транспарту і ЖКГ/ pixabay, ілюстрацыйнае фота
Аляксандр Лукашэнка прызначыў двух новых міністраў.
Пасаду міністра транспарту і камунікацый заняў Аляксей Ляхновіч. Да смерці экс-міністра Аляксея Аўраменкі Ляхновіч займаў пасаду яго намесніка. Ён пачынаў кар'еру ў мінскім аўтобусным парку, пазней працаваў на розных пасадах ва ўпраўленні транспарту і сувязі апарату Савета Міністраў. Ляхновіч узначаліў гэтае ўпраўленне ў 2013 годзе. Першым намеснікам міністра транспарту ён стаў у 2019 годзе.
Пасаду міністра ЖКГ заняў Генадзь Трубіла. Перад прызначэннем ён працаваў першым намеснікам міністра.
