У Беларусі анансавалі маштабную праверку міжгародніх маршрутак
Падаткавікі абяцаюць праверкі ў бліжэйшы час / Ілюстрацыйнае фота БЕЛТА
У Беларусі анансавалі маштабную праверку міжгародніх маршрутак. Улады спасылаюцца на шматлікія скаргі і паведамленні пра парушэнні, якія дапускаюць перавозчыкі. Міністэрства па падатках і зборах сцвярджае, што яны паступаюць і ад грамадзян, і ад юрыдычных асоб, а таксама "ад дзяржаўных і праваахоўных органаў". У асноўным гэта звесткі пра "парушэнні парадку прыёму сродкаў плацяжу пры аказанні паслуг па перавозцы пасажыраў, адсутнасці неабходнага касавага абсталявання, здзяйсненне незаконнай прадпрымальніцкай дзейнасці".
"Маштабныя кантрольныя мерапрыемствы" пройдуць ужо ў бліжэйшы час з удзелам падаткавікоў, даішнікаў і транспартнай інспекцыі.
Чыноўнікі загаварылі пра праверкі пасля жахлівай аварыі пад Смалявічамі з удзелам маршруткі, у якой загінулі 11 чалавек.
