У Беларусі абмежавалі продаж баярышніка: 1 флакон у рукі
![У Беларусі абмежавалі продаж баярышніка: 1 флакон у рукі](/sites/default/files/styles/gallery_main/public/2023-08/000023_c1423f2e5db545a243257ed0004a9a54_912240.jpg.webp?itok=W4VYyJTy)
У Беларусі абмежавалі продаж баярышніка. Як інфармуе прэс-служба Міністэрства аховы здароўя, цяпер можна будзе купіць у аптэцы не больш за 1 флакон. А ў начны час баярышнік купіць будзе нельга, грамадзянам прапануюць яго аналагі "у іншых лекавых формах" (таблетках, гелях).
Абмежаванні адносяцца не толькі да настойкі баярышніка, але таксама сардэчніка, валяр'яны і календулы.
Як вядома, настойку баярышніка можна прымяняць пры захворваннях сэрца, сасудаў, пры стрэсах і бяссонніцы, а таксама для нармалізацыі ціску і стрававання. Аднак яна карыстаецца папулярнасцю ў выпівох, паколькі ўтрымлівае спірт. У расійскім горадзе Іркуцк ад атручвання баярышнікам памерлі больш за паўсотні чалавек. Безумоўна, гэта падштурхнула беларускіх чыноўнікаў прыняць згаданыя меры.
![У Беларусі абмежавалі продаж баярышніка: 1 флакон у рукі](/sites/default/files/paragraphs/image/dakb.jpg)