У аўторак будзе да -18 уначы
У аўторак, 21 снежня, прагназуецца воблачнае з праясненнямі надвор'е, паведамляе Белгідрамет.
Уначы месцамі, а ўдзень у многіх раёнах краіны пройдзе невялікі снег. На асобных участках дарог чакаецца галалёдзіца. Вецер будзе паўночны, паўночна-заходні ўмераны, уначы парывісты.
Тэрмометры ўначы пакажуць 8-14 ніжэй за нуль, пры праясненнях прагназуецца 15-18 градусаў марозу. Удзень будзе ад -4 па паўднёвым захадзе да -12 па паўночным усходзе.
