У адным з раёнаў Беларусі смяротнасць падчас COVID-19 павялічылася на 75%
![Рэжым Лукашэнкі хавае “поспехі” беларускага шляху барацьбы з пандэміяй / калаж Euroradio](/sites/default/files/styles/gallery_main/public/2023-08/2_19.jpg.webp?itok=ZIVfYGRY)
Рэжым Лукашэнкі хавае “поспехі” беларускага шляху барацьбы з пандэміяй / калаж Euroradio
У адным з раёнаў Беларусі смяротнасць падчас COVID-19 была на 75% вышэйшай за звычайную. Прагаварыліся лекары ў Карэліцкім раёне Гродзенскай вобласці, а мясцовая газета напісала.
Нават нягледзячы на тое, што ўлады дагэтуль хаваюць даныя па смяротнасці ў РБ, каб беларусы не даведаліся пра сапраўдныя наступствы COVID-19 і “поспехі” беларускага шляху барацьбы з пандэміяй, некаторыя звесткі прасочваюцца. Аказалася, што ў 2023 годзе, калі каранавірус амаль сышоў (ці стаў ужо не такім небяспечным), узровень смяротнасці сярод працаздольнага насельніцтва ў Карэліцкім раёне апусціўся адразу на 25%.
На працягу 2021 і 2022 года смяротнасць сярод працаздольнага насельніцтва складала больш за 9 на 1000 чалавек, цяпер апусцілася да 7. У 2019-м паказчык быў на ўзроўні 5,2 на 1000 — то бок ніжэйшым на 75%.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.