У Адэсе адбыўся землятрус (відэа)
Увечары ў суботу ў горадзе адчуваліся моцныя падземныя штуршкі.
22 лістапада ў 21.14 паводле мясцовага часу Дзяржаўная служба Украіны па надзвычайных сітуацыях зарэгістравала землятрус з тэрыторыі Румыніі. Згодна з абнародаванай інфармацыяй, яго магнітуда склала 5,6 бала паводле шкалы Рыхтэра.
Жыхары Адэсы, асабліва тыя, што жывуць у высотных дамах, адчувалі значнае страсенне зямной паверхні. Паводле словаў гараджан, у кватэрах гайдаліся жырандолі і нават перасоўвалася цяжкая мэбля, перадае УНІАН.
Разбурэнняў не было.
Паводле інфармацыі замежных СМІ, “румынскі” землятрус закрануў таксама Малдову.
