"Троіца" анансавала вялікі юбілейны канцэрт у Мінску
!["Троіца" анансавала вялікі юбілейны канцэрт у Мінску](/sites/default/files/styles/gallery_main/public/2023-08/dsc_8712.jpg.webp?itok=_5ZBKsco)
Этна-трыа "Троіца" анансавала вялікі юбілейны канцэрт, які адбудзецца 2 снежня ў мінскім Палацы культуры прафсаюзаў (праспект Незалежнасці, 25). Іван Кірчук, Юрый Паўлоўскі і Юрый Дзмітрыеў запрашаюць прыхільнікаў сваёй творчасці ў "чарговае магічнае падарожжа па беларускай спрадвечнай музыцы". На 20-годдзе ўпершыню з "Троіцай" выступяць "знакавыя беларускія музыкі", імёны якіх пакуль не называюцца.
"Троіца" — адзін з самых вядомых беларускіх гуртоў. На яго рахунку 7 альбомаў, удзел у сотнях фестываляў "ад Малайзіі да Чылі", у тым ліку ў такіх вядомых як WOMAD і SZIGET Festival.
!["Троіца" анансавала вялікі юбілейны канцэрт у Мінску](/sites/default/files/paragraphs/image/troicaa3gorad.jpg)
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.