"Талаковы эфір": як сабраць 20 тысяч рублёў на "Даліну Анёлаў" у Мазыры
У Мазыры няма месцаў, дзе творчыя людзі могуць ствараць, сустракацца, праводзіць выставы, канцэрты, майстар-класы і прадаваць плён сваёй працы. Стварэннем такога месца: з майстэрнямі, канцэртнай залай, фудкортам, крамамі, садам — займаецца каманда мазыраніна Аляксандра Баранава. З гэтай мэтай Аляксандр распачаў краўд-кампанію на сайце "Талака".
У сённяшнім "Талаковым эфіры" мы размаўляем з Аляксандрам Баранавым пра тое, навошта яму ўсё гэта трэба, што будзе ўяўляць з сябе "Даліна Анёлаў", як рухаецца збор сродкаў і на што пойдуць сабраныя 20 тысяч рублёў.
