Сын Гуцарыева прадаў акцыі беларускага "Парытэтбанка"
Саід Гуцарыеў прадаў акцыі "Парытэтбанка" расійскаму бізнесоўцу Расіму Ісмаілаву, паведамляе прэс-служба банка. Гаворка ідзе пра 99,8267% акцый.
"Змена асноўнага ўладальніка банка не паўплывае на яго аперацыйную дзейнасць. Paritetbank працягне выконваць усе абавязацельствы перад кліентамі ў поўным аб'ёме. Усе дагаворы, заключаныя з кліентамі банкам, працягваюць дзейнічаць, іх умовы застаюцца нязменнымі", — кажуць у банку.
Бацька Саіда Міхаіл Гуцарыеў трапіў пад санкцыі Вялікабрытаніі, уведзеныя супраць афіцыйнага Мінска.
Пасля ўключэння ў санкцыйныя спісы Гуцарыеў-старэйшы пачаў пазбаўляцца сваіх бізнесаў, каб вывесці іх з-пад удару. У прыватнасці, ён выйшаў з рады дырэктараў "РуссНефти", якая доўгі час пастаўляла нафту ў Беларусь.
Таксама Саід Гуцарыеў прадаў Віктару Пракапеню свае долі ў крыптабіржах Currency.com і Capital.com.
