Вы тут

Сукманаў: унутраная свабода — нацыянальная ідэя і ідэал, да якога трэба імкнуцца

Ігар Сукманаў / Еўрарадыё

9 жніўня ў эфіры Еўрарадыё — праграмны дырэктар Мінскага міжнароднага кінафестывалю “Лістапад” Ігар Сукманаў.

Культура — неад’емная частка чалавека як асобы. Мы мусім штодня пашыраць сваю культурную прастору. Культуру ў любым яе выглядзе — ад вышыванкі і ведання народных традыцый да Рубенса, Шэкспіра і Квенціна Таранціна. Калі ўсё гэта разам ты адчуваеш і разумееш, толькі ў такім выпадку ты нараджаешся як нацыя, перакананы Ігар Сукманаў.

Пра тое, як нам прыйсці да разумення неабходнасці “заваявання” культуры, чаму без гэтага нам не дасягнуць унутранай свабоды, а без гэтай свабоды — той Свабоды, да якой сёння імкнуцца беларусы,  мы і разважаем у праграме “Ідэя Х” з Ігарам Сукманавым.

Набыць кнігу "Беларуская нацыянальная ідэя" (PDF) можна тут

Філосафы і мысляры мінулага сцвярджалі, што нацыянальная ідэя павінна быць у кожнай нацыі. Нехта перакананы, што мы яшчэ да сваёй нацыянальнай ідэі не дараслі. Іншыя сцвярджаюць, што такая ідэя ў беларусаў ёсць.

Дык ёсць у беларускай нацыі свая нацыянальная ідэя ці не? І калі мы да сваёй націдэі яшчэ не дараслі, то ці можам лічыцца нацыяй? Магчыма, нам варта ўзяць ды сфармуляваць такую ідэю для беларусаў?

На нашу думку, прыспеў час распачаць дыскусію і вызначыць, сфармуляваць беларускую нацыянальную ідэю. І мы працягваем гэта рабіць у аўтарскай праграме “Ідэя Х”, якую па-ранейшаму вядуць рэдактар Еўрарадыё Зміцер Лукашук і маскоўскі філосаф Максім Гаруноў.

Па завядзёнцы ў якасці гасцей, якія дапамагаюць нам фармуляваць нацыянальную ідэю, — палітыкі і літаратары, эканамісты і музыканты, айцішнікі і культуролагі. Усе вы.

Праграма выходзіць штотыдзень у панядзелак і чацвер у 14:00.

Партнёры праграмы — крама з нацыянальным каларытам Symbal.by і грамадская кампанія "Годна".

Папярэднія выпускі праграмы "Ідэя Х" можна глядзець тут:

Нацыянальная ідэя

Слухаць эфір Еўрарадыё можна па гэтай спасылцы. Трансляцыю са студыі можна будзе паглядзець у сацсетках Еўрарадыё: Facebook, "ВКонтакте", "Аднакласнікі".

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.