Суд над журналісткай Ірынай Слаўнікавай зрабілі закрытым
На яго не пусцілі нават бацьку Ірыны.
Суд над журналісткай Ірынай Слаўнікавай зрабілі закрытым. Яе калегі пішуць, што ў судовую залу не пусцілі нават яе бацьку.
Працэс над Ірынай Слаўнікавай пачаўся сёння ў Гомельскім абласным судзе. Журналістка знаходзіцца за кратамі з кастрычніка 2021 года. Яе вінавацяць у стварэнні "экстрэмісцкага фармавання", за гэта Ірыне пагражае да 7 гадоў зняволення. Праваабаронцы прызналі яе палітзняволенай.
Фактычна, адзіная "віна" Слаўнікавай — супраца з тэлеканалам, які ў Беларусі прызнаны экстрэмісцкім.
