Суд над Арцёмам Лябедзькам пачнецца 21 жніўня
![Арцём Лябедзька / Артем Лебедько / фота з ФБ-старонкі Анатоля Лябедзькі](/sites/default/files/styles/gallery_main/public/2023-08/liabiedzka-0908.jpg.webp?itok=qvumV9mK)
Арцём Лябедзька / фота з ФБ-старонкі Анатоля Лябедзькі
21 жніўня ў Мінскім гарадскім судзе пачнуць разглядаць справу Арцёма Лябедзькі, паведамляюць праваабаронцы. Працэс будзе весці суддзя Яўген Пісарэвіч.
Арцёму Лябедзьку інкрымінуюць арт. 361-2 КК (фінансаванне дзейнасці экстрэмісцкага фармавання).
Арцём — сын апазіцыйнага палітыка Анатоля Лябедзькі. Маладога чалавека затрымалі напрыканцы сакавіка і двойчы асудзілі на 15 сутак адміністрацыйнага арышту. Потым на яго пачалі крымінальную справу. Праваабаронцы прызналі яго палітвязнем.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.