Анатоль Лябедзька: "Арышт сына — гэта спецаперацыя, накіраваная супраць мяне"

Дарадца Святланы Ціханоўскай Анатоль Лябедзька лічыць, што затрыманне яго сына Арцёма — гэта спроба націснуць на яго. У Арцёма ёсць свая грамадзянская пазіцыя, але палітыкай ён не займаўся.

"Арышт сына — гэта спецаперацыя, накіраваная супраць мяне", — заявіў  Лябедзька ў размове з рэсурсам "Позірк" Паводле яго слоў, у яго ёсць усе падставы меркаваць, што пасля затрымання сына спачатку адвезлі на "гутарку" ў КДБ і толькі потым у РУУС. Адмаўляцца ад палітычнай дзейнасці Анатоль Лябедзька не мае намеру. Кажа, што будзе працягваць займацца тым, што робіць, бо лічыць гэта важным для краіны і людзей.

Арцёма Лябедзьку затрымалі ўвечары ў аўторак, 28 сакавіка. На наступны дзень адбыўся суд, які арыштаваў сына палітыка на 15 сутак па абвінавачванні ў нецэнзурнай лаянцы.