Стратнае прадпрыемства падарыла амапаўцам мікрааўтобус
![Мікрааўтобус для амапаўцаў](/sites/default/files/styles/gallery_main/public/2024-07/0e171fd3745cbb0b91c6eca951c32136.jpg.webp?itok=XKF9ZxYd)
Мікрааўтобус для амапаўцаў / t.me/uvdgomel/
Стратнае прадпрыемства — Тураўскі малочны камбінат — падарыла гомельскім амапаўцам мікрааўтобус, піша "Флагшток". Прымеркавалі гэтую акцыю да Дня незалежнасці РБ, які адзначаўся 3 ліпеня.
Мікрааўтобус беларускай вытворчасці, ён разлічаны на 16 чалавек, мае кандыцыянер. На ім амапаўцы будуць ездзіць на затрыманні, у тым ліку і за палітыку.
Валянцін Байко, член Савета Рэспублікі, праўладны бізнесмен, які з 2016-га мае кантрольны пакет акцый Тураўскага малочнага камбіната, кажа, што "рашэнне аб умацаванні матэрыяльна-тэхнічнай базы прынята з улікам дзяржаўнай важнасці і грамадскай значнасці задач, якія выконваюцца байцамі АМАПа па забеспячэнні аховы грамадскага парадку і маёмаснай бяспекі грамадзян Гомельскай вобласці, якія ўзнікаюць на тэрыторыі прыгранічных раёнаў рызык".
Рашэнне аб набыцці аўтобуса для амапаўцаў прынялі на нядаўнім сходзе акцыянераў прадпрыемства. У публікацыі газеты аблвыканкама сцвярджаецца, што такі жэст — "паказальны прыклад, як паспяховае прадпрыемства клапоціцца аб праваахоўніках". Але Тураўскі малочны камбінат паспяховым ніяк не назавеш, ён знаходзіцца ў перадбанкрутным стане (чыстыя страты па выніках 2023 года склалі больш за 40 мільёнаў рублёў).
![Стратнае прадпрыемства падарыла амапаўцам мікрааўтобус](/sites/default/files/styles/default_image_paragraph/public/paragraphs/image/05ad4a684426b26a7c95f2adfb5552e3.jpg.webp?itok=f5lBxpI-)
![Стратнае прадпрыемства падарыла амапаўцам мікрааўтобус](/sites/default/files/styles/default_image_paragraph/public/paragraphs/image/6b4719ec0c25742a5df2560bf527f766.jpg.webp?itok=3-CU7fZu)
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.