Вы тут

Стала вядома, калі ў Беларусі пацяплее

У Беларусі захаваецца ветранае надвор'е, месцамі — дажджы / БЕЛТА

У аўторак, 2 чэрвеня, у Беларусі чакаецца воблачнае надвор'е, паведамляе Белгідрамет. 

На большай частцы тэрыторыі пройдуць дажджы, месцамі — моцныя. Вецер будзе паўночны, паўночна-заходні парывісты, у асобных раёнах моцны парывісты — да 15-20 метраў за секунду. 

Уначы прагназуецца 5-10 цяпла, удзень ад +10 да +16.

3 чэрвеня надвор'е будзе воблачнае з праясненнямі. Часам чакаюцца дажджы, у асобных раёнах магчымыя навальніцы. Вецер прагназуецца ўсходняй чвэрці ўмераны, пры навальніцах парывісты. 

Уначы тэрмометры пакажуць 4-9 вышэй за нуль, удзень чакаецца 11-18 са знакам "плюс".

Воблачнае з праясненнямі надвор'е захаваецца і 4 чэрвеня. Уначы месцамі, а ўдзень на большай частцы тэрыторыі краіны пройдуць кароткачасовыя дажджы. У асобных раёнах магчымыя навальніцы. Вецер будзе паўднёва-ўсходні ўмераны, пры навальніцах парывісты. 

Уначы прагназуюць +4...+10, удзень будзе 13-18 цяпла. Месцамі паветра прагрэецца да 20 вышэй за нуль.

Пацяпленне і сапраўднае чэрвеньскае надвор'е сіноптыкі прагназуюць на выходныя. 

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.