Slayer выратавалі кацяня і назвалі яго Цыган
Праўда, музыкам давялося аддаць жывёлу знаёмым.
Перад канцэртам у Індыянапалісе Slayer выратавалі бяздомнае кацяня і знайшлі яму новы дом. Усё было так: гітарыст гурта Кэры Кінг і некалькі ўдзельнікаў гастрольнай каманды пайшлі абедаць у стэйк-хаўс і на выхадзе яго ўбачылі бяздомнага, які прапанаваў ім набыць кацяня за долар. Мэнэджар металістаў Джэс Картэзэ зжалілася і забрала жывёлу.
Пазней каманда аддала кацяня некаму са знаёмых, якія акурат збіраліся завесці сабе хатнюю жывёлу. Кацяня назвалі "Цыган".
З беларускіх музыкаў у ратаванні жывёл былі заўважаныя Юрый Стыльскі, Уладзімір Пугач, Павел Аракелян, Леанід Вайтовіч, Руся, Зміцер Вайцюшкевіч, Лявон Вольскі і іншыя.
Паводле zvuki.ru
Фота: www.nuvo.net
