Сіноптыкі: Выхадныя дні ў Беларусі будуць халаднаватымі
Мінулай ноччу месцамі ў нашай краіне былі замаразкі.
Выхадныя будуць дажджлівымі і халаднаватымі. Пахаладанне нясе ў краіну балтыйскае паветра. Самым непагодлівым днём на гэтым тыдні будзе субота, 3 траўня — у большасці раёнаў Беларусі пройдуць моцныя дажджы.
У нядзелю, 4 траўня, ападкаў не чакаецца, але будзе па-ранейшаму халаднавата — ад 8 да 15 градусаў са знакам плюс, паведамляе тэлеканал "Беларусь 1".
Фота — bymedia.net
