Сіноптыкі: Удзень 4 красавіка ў Беларусі чакаецца да 10 цяпла, мокры снег
Кароткачасовыя ападкі прагназуюцца месцамі пераважна на ўсходзе нашай краіны. Акрамя мокрага снегу магчымы дождж.
Вецер будзе паўночна-заходнім, 4-9 метраў за секунду, з парывамі да 12 метраў.
Тэмпература паветра ў начныя гадзіны складзе ад 4 градусаў ніжэй за нуль на поўначы да 2 цяпла на поўдні, у дзённыя — 3-8 градусаў вышэй за нуль, на Брэстчыне — да 10 цяпла, інфармуе БЕЛТА.
Нагадаем, пацяпленне ў Беларусі прагназуецца толькі ў канцы тыдня.
