Сіноптыкі: у панядзелак месцамі пройдуць кароткачасовыя дажджы
У бліжэйшыя суткі, 7 красавіка, у Беларусі чакаецца пераменная хмарнасць.
Уначы месцамі, удзень па паўночным захадзе — кароткачасовыя дажджы. Уначы і раніцай у асобных раёнах прагназуецца туман. Вецер заходні, умеркаваны.
Тэмпература паветра ўначы складзе ад мінус 1 да плюс 5 градусаў. Удзень слупок тэрмометра пакажа плюс 10-16, інфармуе БЕЛТА са спасылкай на Белгідрамет.