Сіноптыкі: У панядзелак будзе цёпла, магчымыя навальніцы
У бліжэйшыя суткі, 21 красавіка, у Беларусі захаваецца цёплае, пераважна без ападкаў надвор’е.
У краіне чакаецца пераменная хмарнасць, па поўдні пройдуць кароткачасовыя дажджы, у асобных раёнах магчымыя навальніцы. Вецер усходні ўмеркаваны.
Тэмпература паветра ўначы складзе ад плюс 6 да плюс 12 градусаў. Удзень будзе ад 17 да 23 вышэй за нуль, перадае БЕЛТА са спасылкай на Белгідрамет.