Сіноптыкі: У аўторак у Беларусі чакаюцца моцныя дажджы, навальніцы
Кароткачасовыя дажджы пройдуць удзень на большай частцы тэрыторыі нашай краіны.
Уначы ў Віцебскай і Магілёўскай абласцях магчымыя моцныя дажджы. Навальніцы пройдуць у асобных раёнах.
Вецер паўднёва-заходні, 5-10 метраў за секунду, з парывамі да 14-ці метраў.
Тэмпература паветра ў начныя гадзіны складзе 6-12 градусаў вышэй за нуль, у дзённыя — ад 13 да 18 цяпла, на Гомельшчыне — да 21 градуса, інфармуе БЕЛТА.