Шыманітэ: Літва знойдзе шлях скасавання дамовы з "Беларуськаліем"
Літва знойдзе шлях скасавання дамовы на перавозку прадукцыі "Беларуськалія". І каб пры гэтым была "рызыка найменшай фінансавай шкоды" для літоўскага боку. Пра гэта ў чацвер у Сейме заявіла прэм'ер-міністр краіны Інгрыда Шыманітэ, паведамляе Delfi.
Яна дадала, што санкцыі ЗША супраць "Беларуськалія" не маюць прамога дзеяння ў Літве, "і таму нам не трэба разглядаць пытанне аб ужыванні санкцый, як гэта здаецца многім, але пытанне аб сапраўднасці дамовы".
