Што будзе з "Яндэкс Таксі" ў Беларусі?

"Яндэкс Таксі"

"Яндэкс Таксі" / "Яндекс"

Кампанія "Яндэкс Go" павінна будзе аформіцца ў Беларусі і размесціць на тэрыторыі рэспублікі свае серверы, калі "Яндэкс Таксі" хоча і далей вазіць пасажыраў, вынікае са словаў міністра транспарта і камунікацый Беларусі Аляксея Ляхновіча.

Як ён кажа, "Яндэкс" пакуль не выканаў гэтых патрабаванняў.

"Цяпер, пэўна што, даведаліся, што рыхтуюцца адпаведныя дакументы, пачалі паволі пераводзіць серверы і ствараць юрыдычныя асобы на тэрыторыі Рэспублікі Беларусь", – дадаў ён, выступаючы ў эфіры "Беларусь 1".

У сярэдзіне лістапада ў Беларусі абмяркоўваўся праект указа, які закране інтэрнэт-агрэгатары ў сферы пасажырскіх перавозак. Па праекце яны павінны размесціць свае інфармацыйныя сістэмы на тэрыторыі Беларусі. Аляксандр Лукашэнка запатрабаваў, каб гэта норма запрацавала ўжо да новага года.

Flowers Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.

Апошнія навіны

Галоўнае

Выбар рэдакцыі