Змітра Дашкевіча могуць перавесці ў “крытую турму”
Гэта ўстанова з больш жорсткімі ўмовамі ўтрымання. Лідара “Маладога фронту” могуць такім чынам пакараць нібыта як “злоснага парушальніка”.
Пра гэта прэс-службе МФ 9 верасня паведаміла нявеста палітвязня Наста Палажанка. Адвакату Дашкевіча прыйшло паведамленне, у якім пазначана, што 13 верасня ўнутры калоніі адбудзецца судовае паседжанне. Будзе разглядацца пытанне змены месца адбыцця пакарання ў сувязі са статусам Змітра Дашкевіча. Яго лічаць злосным парушальнікам рэжыму унутранага ўтрымання.
Як лічыць Наста Палажанка, Дашкевіча хочуць перавесці ў так званую “крытку”. Такая турма ёсць у Гродне.
