Раман Якаўлеўскі: самаізаляцыя Беларусі паглыбілася

Нагадаем, у дзень прэзідэнцкіх выбараў на вуліцы Мінска выйшлі дзесяткі тысяч чалавек. Акцыя пратэсту была жорстка разагнаная, сотні людзей затрымалі.

Раман Якаўлеўскі канстатуе, што "самаізаляцыя Беларусі паглыбілася, пра гэта сведчыць хаця б тое, што міністр замежных спраў Беларусі застаецца персонай нон-грата ў ЗША і краінах Еўразвязу. А гэта наступствы падзеяў 19 снежня 2010 года".

Што да магчымых зменаў у адносінах з Захадам, дык умова Бруселя вядомая: толькі пасля вызвалення і рэабілітацыі палітзняволеных магчымыя гутаркі на тэму нармалізацыі адносінаў з афіцыйным Мінскам, нагадвае Якаўлеўскі.

Праз два гады пасля падзей за кратамі яшчэ знаходзяцца пяць чалавек, чые справы звязаныя з Плошчай: экс-кандыдат у прэзідэнты Мікалай Статкевіч, кіраўнік штаба Віталя Рымашэўскага Павел Севярынец, маладафронтаўцы Зміцер Дашкевіч і Эдуард Лобаў, а таксама Васіль Парфянкоў, які быў памілаваны Лукашэнкам і трапіў за краты паўторна за парушэнне правілаў прэвентыўнага нагляду.

Фота — bymedia.net