Эксперт: Лукашэнка нікуды не падзенецца ад Расіі ў пытанні Украіны

12 сакавіка Аляксандр Лукашэнка заявіў, што Беларусь не мяняе сваю пазіцыю па ўкраінскім пытанні. Раней беларускі кіраўнік казаў, што падтрымлівае тэрыятарыяльную цэласнасць Украіны.

Палітычны аглядальнік Раман Якаўлеўскі не бачыць канкрэтнасці ў заявах Лукашэнкі:

Якаўлеўскі: "Я не магу зрабіць адназначную выснову, што ён прызнае новыя ўлады. Альбо  па крымскім пытанні... Я лічу (і яшчэ раз падкрэсліваю), што ў сённяшняй заяве Лукашэнкі няма яснага адказу, прызнае ён новыя ўлады ў Кіеце ці не".

Якаўлеўскі лічыць, што кіраўнік Беларусі пасля 19 снежня 2010 года моцна прывязаў сябе да Расіі. І ў выпадку актыўнай расійскай агрэсіі ва Украіну Беларусі не ўдасца стаяць убаку.

Якаўлеўскі: "Крый Божа, калі адбудзецца поўнмаштабная агрэсія супраць Украіны (не толькі ў Крыме!), Беларусь будзе выкарыстаная! Ну, не салдатамі, дык інфарструктурай сваёй, тэрыторыяй..."